SAIOAK (3-4)

3.saioa: ELIZONDO

Topagunea: Autobus geltokian goizeko 9etan.

TRINKETEA

Goizean: Saio honetan pilotarekiko erlazio magikoa duen herri batera ailegatuko gara: Elizondo. Herri honetan, frontoia egon ez ezik ostatu  berezi bat dago. Berezia esaten dugu bere barnean trinkete bat duelako! Bertan emango dugu goiza triketeko modalitate desberdinak lantzen, ala nola eskuz banaka, eskuz binaka eta hain ezezaguna den xarea.

XAREA

Arratsaldean: Pilotaz gozatu eta gero, Kortarixar sagardotegira abiatuko gara indarrak berritzeko. asko luzatu gabe, herritik irten eta Baztan bailara pixkat sakonago ezagutuko dugu ibilalditxo baten bitartez. Bizikletak hartu eta bueltatxo bat emango dugu inguruko baso eta herrixkak ikusteko prest.
Ilundu baino lehen bueltako autobusa hartuko dugu iruñera 9ak inguru ailegatzeko.

4. saioa: DONOSTI

Topagunea: Autobus geltokian goizeko 9etan.

Goizean: Oraingo honetan Gipuzkoako hiriburura izango da irteera, Donostiara. Goizean goiz Ondarreta hondartzako inguruetan dagoen funikularra hartu eta Igeldora igoko gara, bertako frontoian goiza pasatzeko asmoz. Eskuz eta palaz jokatuko dugu, ariketa ezberdinen bidez pixkanaka gure kolpeak hobetzeko. Nahikoa izerdi ateratzean, Igeldoko jolas-parkera joango gara gaztetxoenek disfrutatu dezaten.

Igeldo mendia

Igeldo menditik jeitsi ondoren,Donostiako alde zaharrera joango gara eta  tabernaz taberna pintxo paregabeak dastatuz bazkalduko dugu.

Arratsaldean: Donostiako kaleetan eguerdia pasa ondoren, portura gerturatuko gara, Aquariumeko arrainei bisita bet egitera. Azkenik, eguna ederki amaitzeko, hiria puntaz punta zeharkatuko dugu, Anoetaraino. Atano III.a pilotalekuan profesionalen esku pilotako partida ikusteko.
Egun luzea izango da honako hau. Autobusa gaueko 11etan inguru hartuko dugu.

Atano Frontoia

Aquariuma

DONOSTIA-SAN SEBASTIAN